İlham Əliyev Saakaşvilini Şimali Koreya diktatoruna bənzədib

Əliyevin daha bir məxfi görüşünün təfərrüatı açıqlandı

Müxtəlif ölkələrdə çalışan ABŞ diplomatlarının Vaşinqtona ünvanladığı hesabat xarakterli məxfi məktublarını açıqlayan “WikiLeaks” saytının Azərbaycanla bağlı yayımladığı sənədlərin dərcini davam etdiririk. Həmin sənədlərdən biri ABŞ-ın ölkəmizdə səfiri olmuş Enn Dersinin 2007-ci il noyabrın 13-də “mərkəz”ə göndərdiyi məxfi teleqramında Azərbaycana gəlmiş ABŞ dövlət katibinin Avrasiya məsələləri üzrə köməkçisi Daniel Fridin Prezident Administrasiyasının rəhbəri Ramiz Mehdiyevlə görüşünün detalları öz əksini tapıb.

“WikiLeaks”in Əliyevlər haqda açdığı yeni sirlər

ABŞ diplomatları Mehriban Əliyevanın hakimiyyət iddiası və Ilham Əliyevin buna reaksiyası haqda nələr yazıb?

Ölkə başçısı rusiyalı və iranlı həmkarlarına daha hansı epitetlər deyib? 

ABŞ diplomatlarının məxfi teleqramlarını açıqlayan “WikiLeaks” saytının Azərbaycanla bağlı yayımladığı yeni sənədlərdə ölkəmizdə baş verən ictimai-siyasi hadisələr, hakimiyyətdaxili proseslər, hakim ailənin sirləri haqda geniş məlumatlar yer alıb. ABŞ-ın ölkəmizdəki o zamankı səfiri Enn Dersinin 2008-ci il fevralın 4-də Vaşinqtona ünvanladığı məxfi məktubda Azərbaycanın birinci xanımı Mehriban Əliyevanın ABŞ Konqresinin üzvləri ilə keçirdiyi görüşün pərdəarxası məqamları öz əksini tapıb. Diplomat Mehriban Əliyevanın siyasi lider kimi təqdim olunması istiqamətində Azərbaycan hakimiyyətinin gördüyü işlərdən bəhs edib.

Azərbaycana dair yeni məxfi sənədlər

İlham Əliyev Metyu Brayza ilə görüşündə “Azadlıq” radiosunu niyə bağlamasından danışıb: “Onlar müxalifətçiləri işə götürür, büronun rəhbəri Xədicə İsmayılova fəal müxalifətçidir və hakimiyyəti düşmən hesab edir”
“Ərdoğan bu qrup üzvlərinin azadlığa buraxılmasını xahiş edəndə Əliyev öz adamlarını, çox güman ki, MTN əməkdaşlarını Türkiyəyə göndərib və həmin videonun surətini Ərdoğana göstərib”

İlham Əliyevin xaricilərlə gizli danışıqları

WikiLeaks saytı ötən il ələ keçirdiyi 250 mindən çox Amerika məxfi diplomatik teleqramlarının indiyədək açıqlanmamış hissəsinin hamısını heç bir redaktəyə məruz qoymadan sayta yerləşdirib. Bununla da Amerikanın Azərbayan da daxil olmaqla dünyanın müxtəlif ölkələrindən apardığı məxfi diplomatik yazışmalar, bu yazışmalardakı sirlər üzə çıxıb. Wikileaks saytının məlumatına görə, hazırda saytda amerikalı diplomatların 251287 redaktə olunmamış məktubu sentyabrın 3-də internetə yerləşdirilib. Sənədlərdə informasiya mənbələrinin adları açıqlanır.

İlham Əliyevin İranla bağlı düşüncələri

Əliyev Əhmədinejada beynəlxalq arenadakı çıxışlarının “faydasız həyəcanlandırıcı” olduğunu dediyini, cavabında isə İran prezidentinin “Sən xoşbəxt olmalısan, mənim sözlərimə görə neftin qiyməti qalxır”-cavabını verdiyini deyib

“İrana qarşı hərbi əməliyyatlar Azərbaycan üçün faciə ilə nəticələnəcək”. “Qafqazinfo”nun məlumatına görə, WikiLeaksdə yayımlanan diplomatik sənəddə prezident İlham Əliyev amerikalı diplomatlarla görüşündə bu sözləri dediyi qeyd olunub. 2007-ci il 11 aprel tarixində səfir Enn Dersin adından göndərilən sənəddə deyilir ki, səfir Enn Ders və Nümayəndələr Palatasının üzvü Piter Xoekstra ilə görüşdə Əliyev Azərbaycanın “unikal geosiyasi vəziyyətdə, iki keçmiş müstəmləkəçi –İran və Rusiyanın arasında sıxılmış halda olduğunu bildirib. Əliyevin sözlərinə görə, Azərbaycan 1992-ci ildə müstəqilliyini elan etdikdən sonra İranın Azərbaycana təsiri sürətlə artmağa başlayıb ki, bu da İran tərəfindən qəsdən teokratik milliyyətçiliyin ixracı ilə nəticələnib.

Əliyev İranı “vəhşi heyvan”a bənzədib

«WikiLeaks»dən Azərbaycan rəhbərinə növbəti «atəş»

“WikiLeaks” saytında ABŞ-ın ölkəmizdəki səfiri olmuş Enn Dersinin 2007-ci il fevralın 21-də Vaşinqtona ünvanladığı məxfi teleqramı yayılıb. Sənəddə Azərbaycan rəhbəri Ilham Əliyevin Ümumdünya Iqtisadi Forumunun keçirildiyi Isveçrədə Israilin xarici işlər naziri Tsipi Livni ilə görüşünün pərdəarxası məqamları öz əksini tapıb.

Litva prezidenti İlham Əliyevin bağındakı təmtəraqdan dəhşətə gəlib

Amerika diplomatlarının növbəti məxfi yazışmaları (250 min sənəd) İnternetə düşüb. Elan edilmiş materiallar arasında Bakıdakı səfirlikdən göndərilən çox sayda məxfi məktub var.

Belə ki, 29 iyun 2007-ci ildə səfirin müavini Donald Lu Dövlət Departamentinə İlham Əliyevin Bakı yaxınlığındakı Mərdəkan qəsəbəsindəki villasında GUAM ölkələrinin liderləri üçün verdiyi nahar haqqında məxfi hesabat göndərib. Qonaqlar arasında Gürcüstan prezidenti və həyat yoldaşı, Ukrayna prezidenti, Moldova prezidenti, Litva prezidenti Adamkus, Bolqarıstanın vitse-prezidenti, habelə bir çox digər rəsmilər, o cümlədən ABŞ dövlət katibinin köməkçisi Devid Kramer olub.

WikiLeaks saytı Azərbaycanla əlaqədar yeni sənədlər yayıb.

WikiLeaks saytı Azərbaycanla əlaqədar yeni sənədlər yayıb. Sənədlər bu dəfə daha çox 2006-cı ildəki Amerika məxfi diplomatik teleqramlarından ibarətdir.


Açıqlanan teleqramlar ABŞ-ın Azərbaycandakı o zamankı səfiri Rino Harniş və diplomatik missiyanın müşavirləri tərəfindən Vaşinqtona göndərilib. Sənədlərin çoxu “MƏXFİ” qriflidir, digərlərinin isə sadəcə ictimaiyyətə açıq olmaması qeyd olunur.

İlham Əliyevə növbəti “Wikileaks” zərbəsi

ABŞ səfiri Əliyevin neft kartından demokratiyanı boğmaq üçün istifadə etdiyini yazıb

Enn Dersi: “Hökumət neft zənginliyinə beynəlxalq ictimaiyyətin gözündə siyasi legitimliyini artırmaq vasitəsi kimi baxır”

“Wikileaks” saytı məxfi diplomatik yazışmalar seriyasını yaymaqda davam edir. Növbəti belə yazışmalar arasında ABŞ-ın Bakıdakı səfiri Enn Dersin diplomatik məktubu da var.
2008-ci ildə Vaşinqtona göndərilən məktubda neft gəlirlərinin kəskin axını fonunda Azərbaycan hakimiyyətinin davranışındakı dəyişikliklərdən bəhs edilir:

BP-Azərbaycan münasibətləri barədə 12 teleqram

«Wikileaks» BP-Azərbaycan münasibətləri barədə 12 teleqramı açıqlayıb. Həmin teleqramlarda BP və Azərbaycan arasında bir sıra mübahisələr diqqəti çəkir. 

DƏNİZDƏKİ PLATFORMALARIN TƏHLÜKƏSİZLİYİ

9 iyul 2007. Anne Derse yazır ki, «BP-Azərbaycan»ın rəsmiləri offşor platformalardan birinin təhlükəsizliyindən narahat olduqlarını dəfələrlə ABŞ nümayəndələrinin diqqətinə çatdırıblar. «BP-Azərbaycan»ın Prezidenti Bill Schrader deyib ki, həmin platformanı yox etmək üçün qumbaraatanı olan bir nəfər, və ya adi qayıqda 6 nəfər bəs edər. Səfir Derse bildirir ki, onlar ciddi şəkildə Dövlət Departamentinə tövsiyə edirlər ki, yataqların qorunması üçün Azərbaycan tərəfinə kömək etsinlər. 

Məxfi sənəddəki platformaların adları və zəif tərəfləri açıqlanmayıb. Sonrakı teleqramlarda BP-nin bu problemin həlli üçün Azərbaycana xüsusi radar əldə etməsi qeyd olunur. 

WikiLeaks Azərbaycan və BP əlaqələrindən yazır

Wikileaks: Azərbaycan BP-ni qışda qaz qıt olanda onu “yumşaq şantaj etməkdə” suçlayır

Prezident İlham Əliyev Səfirlə görüşündə düşünərək əlavə edib ki, “biz Türkiyəyə qaz təchizatını kəsə bilərdik, əgər lazım gəlsəydi.”

5 dekabr, 2006-cı il, 15:44

Səfir Anne E.Derse tərəfindən məxfiləşdirilib

2. Giriş: Prezident Əliyev dekabrın 5-də Səfirə (teleqram boyu işlənmiş Səfir ifadəsi - Anne Derse nəzərdə tutulur -red.) dedi ki, dekabrın 8-də Tbilisidə enerji nazirlərinin üçtərəfli görüşündən gözləntisi budur ki, Türkiyənin Gürcüstana qışda qaz verib-verməyəcəyinə aydınlıq gətirilsin.” Onun sözlərinə görə, Azərbaycan dekabrın 14-də Bakıda Azərbaycan, Gürcüstan, Türkiyə, üstəgəl BP və Statoil-un görüşünü təşkil edəcək. Əliyev BP-ni kommersiya məsələlərini mövcud qaz problemlərinə bağlamaqda suçlayıb. Prezident deyib ki, Rusiya Baş Naziri Fradkovun Bakıya səfəri zamanı Azərbaycanın Rusiya ilə qaz danışıqlarında heç nə dəyişməyib. Girişin sonu.
3. Dekabrın 5-də Səfir Prezident Əliyevlə görüşüb, enerji və mətbuat azadlığı məsələlərini müzakirə edib.

Birinci Ledinin ailəsi

WikiLeaks: Azərbaycanda kimin nəyi var?

27 yanvar, 2010, 13:10 

MƏXFİLƏŞDİRİLİB: Müvəqqəti işlər vəkili Donald Lu tərəfindən

1. Giriş. Bu teleqram Azərbaycanda həm siyasi, həm də iqtisadi baxımdan ən güclü ailələr barədə birincisidir. Bu girişdə biz birinci ledi Mehriban Əliyeva (Mehriban Paşayeva) və onun əmisi, Azərbaycanın ABŞ-da keçmiş səfiri, hazırda xarici işlər nazirinin müavini Hafiz Paşayev barədə danışırıq. Mehriban Əliyeva təkcə Prezidentin xanımı deyil, həm də parlament üzvüdür. XXXXXXXXX Paşayevlər ailəsinin digər üzvləri hökumətdə və akademiyada güclü mövqelər tutur, enerji sektorundan kənarda güclü biznes qrupları ilə əlaqələri var. Məlumatlara görə, Paşayevlər Bakının sürətlə genişlənən tikinti/daşınmaz əmlak bazarını idarə edir, maliyyə, telekommunikasiya sektorlarında sərmayələri var. Girişin sonu. 

Kəmaləddin Heydərov bəlgələri (tam mətn)

Çərşənbə axşamı. 25 fevral 2010. 05:18

MƏXFİ SEKSİYA 01/04 BAKI

MÖVZU: AZƏRBAYCANDA KİMİN NƏYİ VAR. 2-Cİ DOSYE. FÖVQƏLADA HALLAR NAZİRİ. AĞ BALIQ KÜRÜSÜ VƏ MEYVƏ ŞİRƏSİ

MƏXFİLƏŞDİRİLİB: Müvəqqəti işlər vəkili Donald Lu tərəfindən

1. GİRİŞ: Bu depeşa siyasi və iqtisadi qüdrət nöqteyi-nəzərindən Azərbaycanın ən nüfuzlu ailələri haqda məlumatlar silsiləsindən ikincisidir. Bu gönədrişdə Fövqəladə hallar naziri Kəmaləddin Heydərov və onun ailəsinin təsviri verilir.

Azərbaycanla İsrail arasında hərbi əməkdaşlıq

Wikileaks saytının dərc etdiyi növbəti məxfi sənədlərdən biri Azərbaycanla İsrail arasında hərbi əməkdaşlığa aiddir. Teleqram 2009-cu il 13 yanvar tarixlidir. Sənədin xülasəsində deyilir ki, Azərbaycanla İsrailin münasibətlərində oxşar geosiyasi çətinliklər var və onlar hər biri İrana öz xarici təhlükəsizliyinə təhdid kimi baxır. Birinci dərəcəli hərbi sənayeyə malik və öz müştərilərinə qarşı yumşaq tələbləri olan İsrail müdafiə ehtiyacları ABŞ, Avropa və Rusiya tərəfindən qənaətbəxş sayılmayan Azərbaycan üçün ideal tərəfdaşdır. Bu, müxtəlif səbəblərdən, əsasən Ermənistan ilə münaqişə və Dağlıq Qarabağ hadisələri ilə əlaqədar baş verir.

WikiLeaks Kəmaləddin Heydərov haqqında

Dekabrın 3-də axşam ABŞ-ın Bakıdakı səfirinin müavini Donald Lu Azərbaycan haqqında növbəti məxfi məlumatı açıqlayıb. Bu dəfə diplomat Dövlət Departamentinə müraciətində oliqarxlardan biri, FHN rəhbəri Kəmaləddin Heydərovdan bəhs edir. Sənəd 2010-cu il fevralın 24-də göndərilib. 
     Məktubun xülasəsində deyilir ki, iqtisadi və siyasi qüvvələr baxımından Heydərovlar ailəsi Azərbaycanda Paşayevlər ailəsindən sonra ikinci ailədir. 
     Heydərov əvvəllər Dövlət Gömrük Komitəsinin (Azərbaycanda korrupsiyaya uğramış qurumlardan biri) sədri olub. 
     Heydərovlar ailəsi meyvə şirələrinin istehsalından tutmuş daşınmaz əmlakın idarə olunmasına kimi nəhəng işgüzar imperiyaya nəzarət edir. 

İlham Əliyev haqqında: zahirən Maykl, daxilən Sonni Korleonedir

Ötən axşam Wikileaks saytı Amerika diplomatiyasının Azərbaycana dair üç yeni məxfi sənədini açıqlayıb.
     Sənədlərin birində Bakıda səfir vəzifəsini icra edən Donald Lu prezident İlham Əliyevi xarakterizə edərək onu Maykl və Sonni Korleone (“Xaç atası” romanındakı mafiozlar) qardaşları ilə müqayisə edib.
     İlham Əliyevin fəaliyyətini təhlil edən diplomat qeyd edir ki, o, xarici və daxili siyasətdə tamamilə müxtəlif yanaşmalardan istifadə edir. Belə ki, xaricdən Qərblə inteqrasiya tərəfə addımlar atır, daxili siyasətdə isə addımlar daha avtoritar olur. Yanaşmalardakı bu cür ziddiyyətlər bəzilərinə Əliyevi Maykl və Sonni Korleone ilə müqayisə etməyə imkan verir.
     Hər yerdə mövcud olan Heydər Əliyev isə Azərbaycan üçün Vito Korleonedir (mafioz klanın atası). Sənədin bölmələrinin başlıqları “Xaş atası”dakı frazalardan götürülüb.

İlham Əliyevin Bill Börnslə danışığı tam tərcümə

Çərşənbə axşamı. 23 fevral 2010. saat 08.15

BAŞLIQ: Azərbaycan prezidenti ABŞ Börnsə (Dövlət katibinin müavinin Bill Börns (Bill Burnse)): “İKİ QOÇUN BAŞI BİR QAZANDA QAYNAMAZ”
1. (M) Prezident Əliyev Rusiyanın prezidenti Medvedyevlə BN Putinin münasibətlərini şərh etmək üçün zarafata müraciət edir. Amma eyni zarafatı Türkiyə-Ermənistan yaxınlaşması və Qarabağ probleminin həlii haqda olan qayğılarını ifadə etmək üçün də istifadə edə bilərdi. O Börnsə deyib ki, Ermənilərin 24 aprel xatirə günü "Domokl qılıncı" kimi həm Qarabağ probleminin həlli, həm də Türkiyə-Ermənistan münasibətlərinin normallaşması prosesinin başının üstündə asılıb” O bildirir ki, Aprel məsələsi həll olunsaydı Türkiyə və Ermənistan üçün Qarabağ probleminin də həlli asanlaşardı. O imkandan istifadə edib ABŞ hökumətinə təzyiq etdi ki, Yerevanı Qarabağla əlaqədar razılığa gəlməyə sövq etsin və bildirdi: “Hazırda biz əvvəlkindən də çevik olmağa çalışırıq”

Azərbaycanla bağlı yeni məlumat gəldi

Wikileaks Azərbaycana dair yazışmanın daha bir hissəsini açıqlayıb.

Bu məlumatda Britaniya şahzadəsi Əndryunun prezident Əlievdən eşitdiyi əhvalatdan danışılır. Amerika sənədləşməsində belə deyilir:

"Əliyev prezident Medvedevdən məktub alıb. Orada prezident Medvedev ona deyib ki, Azərbaycan BMT-də Ukraynada bolşeviklərin törətdiyi aclığın soyqırım kimi tanınmasını dəstəkləyərsə, onda Dağlıq Qarabağı görməyi ömürlük yaddan çıxara bilər. "

Azərbaycanla bağlı 1569 sənəd yayılacaq

Dünyaca məşhur alman Spiegel jurnalının Wikileaks aid hazırladığı xəritəyə əsasən Azərbaycana aid 1569 bəlgə hələ açıqlanmayıb. Wikileaks-ın öz saytına əsasən isə ümumilikdə Azərbaycana aid 2036 bəlgə sənədi mövcuddur. Belə ki, sənədlərin 9-u çox gizli (Secret), 23-ü Məxfi sənədlər (Confidential) 10-u bəlli olmayan (Unclassified) bəglələrdən ibarətdir. Bildiyiniz kimi Azərbaycana aid olan bəlgələrin çox az qismi 2 gün öncə yayımlanmışdı. Wikileaks bildirdiyi məlumata əsasən gələcək bəlgələrdə video, audio və fotolar da öz əksini tapacaq.

Azərbaycan Respublikası Prezidentinin Mətbuat Xidmətinin açıqlaması

Bu günlərdə “Wikileaks” internet saytında ABŞ rəsmilərinin xarici dövlət başçıları və nümayəndələri ilə keçirdikləri görüşlərin guya “bəzi gizli məqamlarını” əks etdirən materiallar yayılmışdır. Həmin materiallarda Azərbaycan Respublikası Prezidentinin ABŞ-ın rəsmi nümayəndələri ilə keçirdiyi görüşlə bağlı da bəzi fikir və mülahizələr əks olunmuşdur.
Bununla əlaqədar bildiririk ki, saytda Azərbaycan Respublikası Prezidenti İlham Əliyevə aid edilən fikir və mülahizələr qətiyyən həqiqəti əks etdirmir və onların heç bir əsası yoxdur. Bu materiallar Azərbaycanın qonşu dövlətlərlə münasibətlərini korlamaq, ölkə başçıları arasında inamsızlıq və etimadsızlıq yaratmaq məqsədi daşıyan açıq təxribatdır. Prezidentin leksikonunda saytda ifadə olunmuş jarqon ifadələr, kəskin və emosional dəyərləndirmələr mövcud deyildir.